eordes.com - Toda a información da Comarca de Ordes

O ser mitológico do Natal galego, o Apalpador, será conhecido este ano polos nenos e nenas de todas as escolas da comarca de Ordes graças à campanha de divulgaçom e recuperaçom desta personagem que está a levar a AC Foucelhas. Da associaçom, após contactar com cada umha das escolas -nas que nos atendérom amavelmente-, enviou-se-lhe um dossier com materiais didácticos para trabalhar com as crianças: um continho explicando o mito do Apalpador, umha versom do desenho de Leandro do Apalpador para colorir, etc.

Os colégios que se estám a involucrar na recuperaçom do Apalpador na comarca de Ordes som, por concelhos, o CEIP Campo Maior, o CEIP Castelao, o CEIP Mesom do Bento, e as escolas unitárias de Barbeiros, Merelhe, Beám, Parada, Buscás e Santa Cruz de Montaos em Ordes; o CEIP Ponte Carreira em Frades; o CEIP Xanceda em Messia; o CEIP Outeiro, e as escolas Polveira e Vianho Pequeno em Traço; o CEIP O Cruze de Cerzeda; e o CEIP Sigueiro de Oroso.

Cantiga do Apalpador

Hoje é dia do Natal,
dia do Nosso Senhor
ide logo para a caminha
que vai vir o Apalpador.
Hoje é dia do Natal,
vai ninim para a caminha
que vai vir o Apalpador
a apalpar-che a barriguinha.

Material didáctico enviado às escolas: http://galiza.indymedia.org/media/2009/12//21757.pdf

Para saber mais sobre o Apalpador:
-LÔPEZ GONÇÂLEZ, José André. "O Apalpador. Personagem mítico do Natal galego a resgate". Portal Galego da Língua. http://www.pglingua.org/images/stories/pdfs/2008/20061231_o_apalpador_jose_andre_lopez.pdf